اسلام آباد ۔ 12 مارچ (اے پی پی) محکمہ موسمیات دے مطابق آندے 24گھنٹیاں اچ ملک دے بہوں سارے علاقیاں اچ موسم رُکھا راہسی ۔ رپورٹ دے مطابق گزریل 24 گھنٹیاں اچ ملک دے مختلف علاقیاں اچ بارش تھئی اتے ساریاں توں ودھ بارش گڑھی دوپٹہ اچ 09 ملی میٹر، راولاکوٹ 08، بالاکوٹ05، مالم جبہ04، کاکول02، کوہاٹ اتے چراٹ ہک، مری، منگلا 04، سیالکوٹ اتے بگروٹ اچ ہک ملی میٹر ریکارڈ کیتی گئی جڈانجو مری اچ 1.5 اتے مالم جبہ اچ ہک انچ برف باری وی ریکارڈ کیتی گئی۔ اتوار کوں ساریاں توں ٹھڈیاں چاہیں دے ریکارڈ کیتے گئے درجہ حرارت دی رپورٹ دے مطابق کالام اچ درجہ حرارت منفی08 ڈگری سینٹی گریڈ، راولاکوٹ، استور منفی 05، دیر، بگروٹ منفی04، مری، کوئٹہ، سکردو منفی03، گوپس، مالم جبہ اتے دلبندین اچ منفی02 ڈگری سینٹی گریڈ ریکارڈ کیتا گئے ۔
