اسلام آباد ۔ 06 مارچ (اے پی پی) مہمند ایجنسی اچ سرحد پار توں دہشت گرداں دے پاک فوج دیاں ترائے چیک پوسٹاں تے حملے دے نتیجے اچ 5 فوجی شہید تھی گے ہن، جوابی کارروائی اچ 10دہشت گرد ماریے گے ہن ۔ پاک فوج دے شعبہ تعلقات عامہ (آئی ایس پی آر)دے مطابق گزریل رات مہمند ایجنسی دے علاقے اچ سر حد پار توں پاکستان دیاں ترائے چیک پوسٹاں کوں دہشتگرداں نشانہ بنڑایا جیں کوں پاک فوج دے نینگراں ناکام بنڑیندے ہوئیں انہاں کوں پچھی تے کر ڈتا ،فائرنگ دے تبادلے اچ 5 فوجی اہلکار شہید تے 10 دہشت گرد ماریے گے ہن ۔آئی ایس پی آر دے مطابق شہیداں اچ نائیک ثنا اللہ، نائیک صفدر، سپاہی الطاف، سپاہی نیک محمد اتے سپاہی انورشامل ہن۔آئی ایس پی آر دے مطابق آرمی چیف جنرل قمر جاوید باجوہ پاک فوج دی ویلھے نال جوابی کاروائی کوں سراہیا۔انہاں افغان سرحدی علاقے اچ افغان سیکیورٹی فورسز دی موجودگی دی ضرورت تے زورڈیندے ہوئیں آکھیا جو دہشت گرد ہک سانجھا خطرہ ہن تے انہاں کوں پاک افغان سرحدی علاقے اچ آزادانہ نقل حرکت اتے کارروائیاں دی اجازت نی ہوونڑیںچاہیدی۔ آرمی چیف پاک فوج دے جانی ضیان تے افسوس دا اظہار کریندے ہوئیں آکھیا ہے جو وطن دے بہادر سپوتاں مادر وطن سانگے جاناں قربان کیتیاں۔
