اسلام آباد ۔ 20 مارچ (اے پی پی) وزیراعظم دے معاون خصوصی خارجہ امور سیّد طارق فاطمی دا سعودی عرب دے سبکدوش تھیونڑ آلے سفیر عبداﷲ مرذوق اے زہرانی دے اعزاز اچ دفتر خارجہ اچ ظہرانہ ڈتا۔دفتر خارجہ ولوں جاری پریس ریلیز دے مطابق معاون خصوصی سبکدوس تھیونڑ آلے سفیر کوں پاکستان اچ انہاں دی مفید اتے تعمیری ذمہ واری دی تکمیل تے مبارکباد ڈیندیں ہوئیں ڈوہاں ملکاں وچال اجوکے شاندار ڈو پاسہ تعلقات کوں بئیا ودھاونڑ سانگے خدمات کوں سراہیا۔طارق فاطمی سعودی عرب کوں پاکستان دا سچا اتے بااعتماد دوست آکھدیں ہوئیں پاکستان اتے سعودی عرب وچال برادرانہ تعلقات تے اطمینان دا اظہار کیتا اتے رابطیاں اچ ودھارے سانگے سعودی عرب دے آندے سفیر نال رل تے کم جاری رکھنڑ دی خواہش کیتی۔
