وزیراعظم محمد نوازشریف دی چائنہ ایرو سپیس سائنس اینڈ انڈسٹری کارپوریشن دے چیئرمین آف بورڈ گاﺅ ہونگ وائی اتے چائنہ پری سیزن مشینری امپورٹ ایکسپورٹ کارپوریشن دے چیئرمین آف بورڈ ژاوچیاو لونگ نال ملاقات

اسلام آباد ۔ 28 مارچ (اے پی پی) وزیراعظم محمد نوازشریف آکھیا ہے جو پاک چین دوستی نویاں بلندیاں کوں پج گی ہے جو سی پیک اتے اہم اقتصادی شعبیں اچ باہمی تعاون توں ظاہر ہے، چین دے نال پاکستان دا تعاون نہ صرف ڈوہیں ملکاں اچ خوشحالی گھن تے آسی بلکہ پورے خطے سانگے ترقی دا ذریعہ ہوسی ۔ انہاں اے گالھ چائنہ ایرو سپیس سائنس اینڈ انڈسٹری کارپوریشن دے چیئرمین آف بورڈ گاﺅ ہونگ وائی اتے چائنہ پریسیزن مشینری امپورٹ ایکسپورٹ کارپوریشن دے چیئرمین آف بورڈ ژاوچیاو لونگ نال منگل کوں اتھاں گالھ مہاڑ کریندے ہوئیں آکھی ۔ وزیراعظم آکھیا جو پاکستان دا سٹریٹجک محل وقوع اینکوں ایشیادا اہم تجارتی، توانائی اتے ٹرانسپورٹ کوریڈور بنڑیندا ہے۔ چین دے نال پاکستان دا تعاون نہ صرف ڈوہیں ملکاں اچ خوشحالی گھن تے آسی ب بلکہ پورے خطے سانگے ترقی دا ذریعہ ہوسی۔ وزیراعظم ّآکھیا جو موجودہ حکومت پہلے ڈینھ توں ہی معیشت دی بحالی، توانائی بحران پرے کرنڑ ، سیکورٹی دی صورتحال چنگی بنڑاونڑ اتے سرمایہ کاراں کوں مناسب موقع فراہم کرنڑ تے توجہ ڈتی ۔انہاں آکھیا جو پاکستان دے پالیسی رجحانات لبرلائزیشن، ڈی ریگولیشن، پرائیویٹائزیشن توں ہم آہنگ ہن تے سرمایہ کاراں کوں بہترین سہولتاں ڈتیاں ویندیاں پیاں ہن ۔ وزیراعظم ڈوہیں کمپنیاں دے چیئرمیناں کوں سرمایہ کاری مواقع توں فائدہ چاونڑ دی دعوت ڈیندے ہوئیں آکھیا جو پاکستان منافع گھن تے ونجنڑ تے کوئی پابندی کائنی رکھیندا تے آزادانہ سرمایہ کاری سانگے پرکشش ماحول موجود ہے۔