اسلام آباد ۔ یکم مارچ (اے پی پی) وزیراعظم محمد نواز شریف کوں اقتصادی تعاون تنظیم (ایکو) دے تیرہویں سربراہ اجلاس دا چیئرمین منتخب کر گھدا گیا۔ ایکو سربراہ اجلاس بدھ کو ںاسلام آباداچ شروع تھیا جیں اچ اقتصادی تعاون تے علاقائی رابطہ کاری وچا ودھارے تے توجہ ڈتی گی ۔اجلاس اچ اقتصادی تعاون تنظیم دے رکن ملکاں آذربائیجان، قزاخستان، کرغزستان، ایران، تاجکستان، ترکی، ترکمانستان اتے ازبکستان دے سربراہان مملکت تے حکومت دے علاوہ چین دے خصوصی نمائندے شرکت کیتی۔ پاکستان اچ افغانستان دے سفیر سربراہی اجلاس اچ اپنڑے ملک دی نمائندگی کیتی۔ اقتصادی تعاون تنظیم 1985ء اچ قائم کیتی گی۔ ابتدائی طور تے ایران، پاکستان اتے ترکی ایں تنظیم دے رکن ہن جیں دا مقصد رکن ملکاں وچال اقتصادی، تکنیکی اتے ثقافتی تعاون کوں ودھارا ڈیونڑاں ہئی ۔اے تنظیم علاقائی تعاون ترقی (آر سی ڈی) دا تسلسل ہے جیرھا جو1964توں 1979تئیں قائم رہی۔ 1992اچ ایکو اچ 7 نویں ارکان دا ودھارا کیتا گیا جیں اچ افغانستان، آذربائیجان، قزاخستان، کرغزستان، تاجکستان، ترکمانستان اتے ازبکستان شامل ہن۔
