اسلام آباد ۔ 13 مارچ (اے پی پی)ملک دی سکیورٹی بارے اعلیٰ سطح دے اجلاس اچ عزم کیتا گئیا جو امن تے ترقی دے دشمناں کوں مادروطن دے امن تے سلامتی اچ خلل پاونڑ دی موکل کائنا ڈتی ویسی۔ایں گالھ وزیراعظم محمد نواز شریف دی صدارت اچ سکیورٹی بارے اعلیٰ سطح دے اجلاس اچ عزم دا اعادہ کیتا گئیا۔اجلاس اچ متفقہ طور ایں امر دا اعاد ہ کیتا گئیا جو دہشت گردی اتے انتہا پسندی دا خاتمہ پاکستان دی سلامتی سانگے پالیسی تقاضا اے۔وزیراعظم پاک فوج اتے قانون نافذ کرنڑ آلے اداریاں ولوں ہنڑ تئیں دی پیشرفت تے اطمینان کیتا اتے ہدایت کیتی جو عملدرآمد دی رفتار بئی تکھی کیتی ونجے۔اجلاس اچ انسداد دہشت گردی کاوشاں بارے مختلف قوانین دا وی جائزہ گھدا گئیا اتے انہاں قوانین کوں بئیا موثربنڑاونڑ دے طریقیاں تے وی غور کیتا گئیا۔اجلاس دے شرکا فوج اتے سول سکیورٹی اہلکاراں اتے پاکستان دے امن پسند لوکان دی قربانیاں کوں خراج تحسین پیش کریندیں ہوئیں ایں گالھ تے زور ڈتا جو امن اتے ترقی دی دشمناں کوں کڈاہیں وی ملک دے امن تے سلامتی دی صورتحال کوں خراب کرنڑدی موکل کائنا ڈتی ویسی ،قومی لائحہ عمل تے عملدرآمد بارے کوششاں کوں بئی تقویت ڈیونڑ اتے وفاقی تے صوبائی حکومتاں ولوں قومی لائحہ عمل تے چنگے عملدرآمد کوں یقینی بنڑاونڑ دا وی فیصلہ کیتا گئیا۔ اجلاس اچ وزیر داخلہ چوہدری نثار علی خان، وزیر خزانہ محمد اسحاق ڈار، چیف آف آرمی سٹاف جنرل قمر جاوید باجوہ، وزیراعلی پنجاب محمد شہباز شریف، وزیراعظم دے مشیر سرتاج عزیز، قومی سلامتی دے مشیر لیفٹیننٹ جنرل (ر)ناصر خان جنجوعہ اتے ڈی جی آئی ایس آئی لیفٹیننٹ جنرل نوید مختار توں انج بئے سینئر سول تے عسکری حکام وی موجود ہن ۔
