وزیراعظم محمد نواز شریف دی کرغز پارلیمنٹ دے سپیکر ترسن بیکوف چینیبائی اکونوچ نال ملاقات اچ گالھ مہاڑ

اسلام آباد ۔ 14 مارچ (اے پی پی) وزیراعظم محمد نواز شریف آکھیا جو پاکستان جمہوریہ کرغز نال آپنڑے دوستانہ تعلقات دی وڈی قدر کریندے اتے سارے شعبیاں اچ انہاں تعلقات کوں بئیا مضبوط بنڑاونڑ دی خواہش اے۔ ای سی او سربراہ اجلاس اچ کرغز وزیراعظم جین بیکوف سورنبے دی شرکت نال مئوثر علاقائی تعاون اتے ڈو پاسہ تعلقات کوں مضبوط بنڑاونڑ سانگے اساڈی سانجھی خواہش اچ مدد ملی اے۔منگل کوں اتھاں وزیراعظم ہائوس اچ کرغز پارلیمنٹ ہائوس اچ کرغز پارلیمنٹ دے سپیکر ترسن بیکوف چینیبائی اکونوچ نال گالھ مہاڑ کریندیں ہوئیں انہاں آکھیا جو ڈوہیں ملکیں وچال چنگی سیاسی تعلقات اتے ٹھوس دفاعی تعاون اے۔ایں موقع تے قومی اسمبلی دے ڈپٹی سپیکر مرتضیٰ جاوید عباسی، رکن قومی اسمبلی عبدالمجید خان اتے سینئر حکام وی موجود ہن ۔