وزیراعظم محمد نواز شریف دی کویت چیمبر آف کامرس دے اراکین تے مشتمل وفدنال گالھ مہاڑ

کویت سٹی ۔ 06 مارچ (اے پی پی) وزیراعظم محمد نواز شریف آکھیا جو پاکستان اچ غیر ملکی سرمایہ کاری سانگے مثالی اتے سازگار ماحول موجود اے،کویت دی تاجربرادری پاکستان اچ سرمایہ کاری دے موقع توں فائدہ چاوے،حکومت سرمایہ کاراں کوں ہر ممکن مدد اتے سہولت ڈیندی پئی اے۔انہاں اے گالھ سنوار کوں کویت دے ببیان پیلس اچ کویت چیمبر آف کامرسدے اراکین تے مشتمل وفدنال گالھ مہاڑ کریندیں ہوئیں آکھی۔اہم اقتصادی کامیابیاں کوں اجاگر کریندیں ہوئیں وزیراعظم آکھیا جو اجوکی حکومت دی انتھک کوششاں دے بعد معیشت بحال تھی گئی اے۔معروف عالمی اداریاں میکر اکنامک استحکام،جی ڈی پی گروتھ، کم افراط زر دی شرح اتے سٹاک ایکسچینج دی نویں بلندیا ں اچ پاکستان دی زبردست کامیابیاں دی تعریف کیتی۔انہاں آکھیا جو حکومت بجلی دی گھٹکی دے معاملہ تے بہوں حد تئیں قابو پا گھدے ،ملک دے صنعتی شعبے کوں بلاتعطل بجلی ڈتی ویندی پئی اے۔توانائی دے مختلف شعبیاں بشمول ہائیڈل، تھرمل، کوئلہ، شمسی اتے ونڈ توانائی اچ وڈی سرمایہ کاری تھیندی پئی اے۔انہاں آکھیا جو ایں وڈے سرمایہ کاری اتے میڈی حکومت دے ٹیم ورک نال پاکستان توانائی دی گھٹکی تے قابو پا گھنسی۔ملاقات وچ وزیر پٹرولیم تے قدرتی وسائل شاہد خاقان عباسی، معاون خصوصی طارق فاطمی اتے سرمایہ کاری بورڈ دے چیئرمین مفتاح اسماعیل وی موجود ہن ۔