اسلام آباد ۔ 14 مارچ (اے پی پی) وزیراعظم محمد نوازشریف آکھیا ہے جو پاکستان تے یمن وچال اعتماد تے دوستی نال عبارت خصوصی تعلقات استوار ہن ۔انہاں اے گالھ یمن دے نائب وزیراعظم تے وزیر خارجہ عبدالمالک عبدالجلیل المخلافی نال منگل کوں ملاقات اچ گالھ مہاڑ کریندے ہوئیں کیتی۔ وزیراعظم مارچ 2015اچ یمن توں ہزاراں پاکستانی شہریاں دے کامیاب انخلااچ تعاون اتے معاونت تے یمن دا شکریہ ادا کیتا۔وزیراعظم یمن دے مصیبت زدہ لوکاں سانگے انسانی ہمدردی دی بنا تے 10لکھ ڈالر دی وختی امداد دا وی اعلان کیتا تے برادر ملک یمن اچ امن دی وختی بحالی دا اظہار کیتا ۔نائب وزیراعظم یمن سانگے پاکستان دی معاونت تے وزیراعظم دا شکریہ ادا کیتا۔
