سپن وام (شمالی وزیرستان) ۔ 3 مارچ (اے پی پی) وزیراعظم محمد نواز شریف ‘ جمعہ کوں شمالی وزیرستان اچ کرم تنگی ڈیم دا منڈھ بدھ ڈتے۔ایں موقع تے گورنر خیبر پختونخوا اقبال ظفر جھگڑا، وفاقی وزیر دفاع خواجہ محمد آصف، جمعیت علمائے اسلام (ف) دے سربراہ مولانا فضل الرحمان، وفاقی وزیر ہائوسنگ و تعمیرات اکرم درانی، عباس آفریدی، انجینئر امیر مقام دے علاوہ چیئرمین واپڈا لیفٹیننٹ جنرل (ر) مزمل حسین وی موجود ہن ۔وزیراعظم تختی دی نقاب کشائی کرتے ڈیم دی تعمیر دا منڈھ بدھیا۔ کرم تنگی ڈیم اچ 1.2 ملین ایکڑ فٹ پانڑی ذخیرہ کرنڑ دی گنجائش ہوسی اتے اے شمالی وزیرستان ایجنسی دے علاقے کرم تنگی اچ بنڑایا ویسی۔
