اسلام آباد ۔ 21 مارچ(اے پی پی)وزیراعظم محمد نواز شریف آکھیا جو پاکستان دی معیشت مثبت بحالی نال مستحکم تھئی اے اتے اے2013ء اچ اجوکی حکومت کوں ورثہ اچ ملنڑ آلے کئی چیلنجاں پاروں تکھے ترقی کریندی پئی اے ،پاک چین اقتصادی راہداری دے تحت مختلف منصوبیاں تے کم جاری اے جئیں دے پورا تھیونڑ آلے خصوصی بور پاکستان اتے خصوصی طور خطہ کوں بہوں ودھ فائدہ تھیسی۔انہاں اے گالھیں منگل کوں مسلم لیگ (ن)دی پارلیمانی پارٹی دے اجلاس توں خطاب کریندیں ہوئیں آکھی۔وزیراعظم آکھیا جو انہاں دی حکومت بجلی دی گھٹکی کوں دور کرنڑ اتے پاکستان اچ مواصلاتی رابطے ودھاونڑ سانگے توانائی اتے بنیادی ڈھانچے دے وڈے منصوبے شروع کیتن۔
