وزیرداخلہ چوہدری نثار علی خان نال وزیر اعظم دے مشیر سردار مہتاب احمد خان دی ملاقات، ملکی صورتحال اتے پی آئی اے بارے امور اُتے گالھ مہاڑ

اسلام آباد ۔ 14 مارچ (اے پی پی) وزیرداخلہ چوہدری نثار علی خان نال وزیر اعظم دے مشیر برائے ہوابازی سردار مہتاب احمد خان منگل کوں اتھاں ملاقات کیتی ۔ جیندے اچ ملکی صورتحال اتے پی آئی اے بارے امور اُتے گالھ مہاڑ کیتی گئی ۔ وزارت داخلہ ولوں جاری بیان دے مطابق ایں موقعے تے وزیر داخلہ آکھیا جو قومی ایئر لائن ہونڑ دے ناطے پی آئی اے دی بحالی و ترقی حکومت دی اہم ترجیح ہے۔ انہاں آکھیا جو بحالی و ترقی کیتے ضروری ہے جو پی آئی اے اچ ہر سطح اُتے کرپشن دے خلاف مربوط اتے منظم اقدامات کیتے ونجن۔ سردار مہتاب احمد خان ولوں پی آئی اے دے کجھ معاملیاں اچ ایف آئی اے ولوں جاری تفتیش و تحقیقات اچ تعاون دی یقینی دہانی کروائی گئی۔