وزیرِداخلہ چوہدری نثار علی خان دی امریکہ کیتے نامزد سفیر اعزاز چوہدری نال ملاقات اچ گالھ مہاڑ

اسلام آباد ۔ 10 مارچ (اے پی پی) وزیرِداخلہ چوہدری نثار علی خان آکھے جو سانجھے چیلنجاں نال نبڑنڑ کیتے لازمی ہے جو ملکی خود مختاری اتے قومی وقار اُتے حرف آئے بغیر پاکستان اتے امریکہ وچال تعاون اتے سانجھ کوں بیا ودھایا ونجے ۔ انہاں اے گالھ جمعے کوں اتھاں امریکہ کیتے نامزد سفیر اعزاز چوہدری ملاقات اچ آکھی ، وزارت داخلہ ولوں جاری بیان دے مطابق وزیرِ داخلہ امریکہ کیتے نامزد سفیر اعزاز چوہدری دی بطور سیکرٹری خارجہ پاکستان کیتے خدمات دی تعریف کیتی ۔ ملاقات اچ پاک امریکہ تعلقات اتے خطے دی صورتحال اُتے گالھ مہاڑ کیتی گئی ۔انہاں آکھیا جو دہشت گردی دی طرح دے اہم مسئلے دی موجودگی اچ پاک امریکہ تعلقات اچ تناو ¿ یا نویں تجربیاں دی روش مشترکہ مفادات دے حصول کوں نقصان پجاونڑ دی وجہ بنڑ سگدی ہے ۔ انہاں نامزد سفیر نال الیندے ہوئیں آکھیا جو پاکستان دے سفیردے طور تے انہاں دی ساریاں توی وڈی ذمہ داری ہوسی جو پاکستان دی پالیسی اتے نقطہ نظر امریکی ایواناں، اداریاں اتے شخصیات تئیں چانگے انداز اچ پجاون جنہاں پاکستان اُتے تنقید کوںاپنڑاں وطیرہ بنڑا گھدے ۔