اسلام آباد ۔ 30 مارچ (اے پی پی) وزیر اعظم دے معاون خصوصی برائے خارجہ امور طارق فاطمی نال خمیس دے ڈینھ اتھاں امریکی محکمہ خارجہ دے خصوصی مشیر برائے مذہبی اقلیت نوکس تھامس خیر سگالی ملاقات کیتی۔دفتر خارجہ دے ترجمان دے مطابق معاون خصوصی امریکی مشیر کو ں بئے ترقی پسند پاکستان کوں یقنی بنڑاونڑ سانگے حکومتی اقدامات بارے ڈسایا ۔ طارق فاطمی آکھیا جو اوں ویلے جڈاں دنیا کوں نسل پرستی اتے اقلیتاں دے نال بدسلوکی دا سامنڑاں ہے ، موجودہ حکومت دیاں پالیسیاں واضح کرڈتے جو قوم نفرت اتے تقسیم دی سیاست کو ںمسترد کیتے ۔ وزیر اعظم نواز شریف دا ہولی تہوار دے موقعے تے ہندو برادری اتے کرسمس دے موقعے تے مسیحی برادری کوں سنیہے اتے جامعہ نعیمیہ اچ مذہبی سکالر اں نال خطاب دی طرح دے اقدامات ایں گالھ دا واضح ثبوت ہن جو حکومت اقلیتاں دے حقوق دے مکمل تحفظ کیتے پر عزم ہے جیندی ضمانت ملکی آئین ڈتی ہے ۔
