اسلام آباد ۔ یکم مارچ (اے پی پی) وزیر اعظم محمد نوزشریف مختلف ملکاں دی اٹھ نمایاں شخصیات کوں اقتصادی تعاون تنظیم ایوارڈ آف ایکسیلینس ڈتے۔اقتصادی تعاون تنظیم (ای سی او)13 ویں سربراہ اجلاس توں خطاب کریندیں ہوئیں وزیراعظم آکھیا جو ایوارڈز سانگے نامزدگیاں دی منظوری منگل کوں 22ویں وزارتی کونسل دے اجلاس اچ ڈتی گئی۔نامزد شخصیات کوں اے ایوارڈز اقتصادیات،تاریخ،ادب،فائن آرٹس،سائنس اتے ٹیکنالوجی اتے تعلیم دے شعبیاں اچ نمایاں خدمات تے ڈتے گئے ۔انہاں ایوارڈز سانگے 50نامزدگیاں ملیاں ہن ،ایں موقع تے ای سی او دے سیکرٹری جنرل خلیل ابراہیم وی موجود ہن ۔جنہاں رہنمائواں کوں اے ایوارڈ ڈتے گئے انہاں اچ افغانستان توں تاریخ، ادب اتے فائن آرٹس دے شعبہ میں نمایاں خدمات تے افغانستان توں سیما رسولی، سائنس تے ٹیکنالوجی اچ آذربائیجان دے پاشا کریموف، سائنس تے ٹیکنالوجی توں ایران دے مہدی نجف پور، زراعت تے ماحولیات اچ قزاخستان دے ملک گورلی بے یوف، تاریخ، ثقافت اتے ادب اچ کرغزستان دے انور بیگ، آرٹ تے سوشل ورک اچ نمایاں خدمات تے پاکستان دے جمال شاہ، سائنس تے ٹیکنالوجی اچ تاجکستان دے سیدوف عبدالستار اتے تعلیم دے شعبہ اچ ترکی دے حسن جلال کوں ای سی او ایوارڈ آف ایکسیلینس ڈتے گئے ۔
