اسلام آباد ۔ 15 مارچ (اے پی پی) وزیر داخلہ چوہدری نثار علی خان آکھیا جو مسلح فوج،سول آرمڈ فورسز اتے قوم دی جرات مندانہ جدوجہد اتے قربانیاں دے نتیجے اچ پاکستان اچ دہشت گردی اچ تکھے گھٹکی تھئی اے،ملک دی تریخ اچ پہلی واری حکومت دہشت گردی دی لعنت دے خلاف ہک نیشنل ایکشن پلان پیش کیتے۔بدھ کوں اتھاں پاکستان اتے برطانیہ دے 2ڈینھ واری بین الاقوامی سیمینار جئیں دا موضوع استحکام اتے امن کاوشاں بارے تجربیاں دا تبادلہ ہئی ،دی صدارت کریندیں ہوئیں انہاں آکھیا جو بین الاقوامی برادری اسلام کوں ہدف بنڑاونڑ دے رجحان دی حوصلہ شکنی کرے اتے اسلام فوبیا توں باہر آوے۔دنیا اچ ہک ارب20کروڑ مسلمان دہشت گردی دی لعنت توں ساریاں توں ودھ متاثر تھین ۔انہاں آکھیا جو بین الاقوامی برادی پرانڑے علاقائی مسئلیاں توں لاتعلق نی رہ سگدی۔وزیرداخلہ آکھیا جو اساکوں گزریل کئی عشریاں توں علاقائی سلامتی دے مسئلیاں دا سامنڑاں اے۔افغانستان تے سوویت دی یلغار یا امریکی کاروائی دے بعد صورتحال اچ پاکستان کوں عالمی برادری کلھا چھوڑ ڈتے۔پاکستان فرنٹ لائن سٹیٹ دا کردار نبھائے جڈانجو عالمی برادری زبانی جمع خرچ توں کم گھدے۔
