اسلام آباد ۔ 2 مارچ (اے پی پی)وزیر داخلہ چوہدری نثار علی خان آکھیا جو پاکستان دے اندرلی اتے باہرلے دشمناں اچ ناپاک اتحاد موجود اے،جئیں دے واضح ثبوت ہن ،سول تے عسکری قیادت وچال بہتر کوں کوآرڈینیشن اتے قریبی ریاست دے مفاد اچ اے۔اے گالھیں انہاں خمیس کوں نیشنل ڈیفنس یونیورسٹی اچ اعلی فوجی افسراں توں خطاب کریندیں ہوئیں آکھی۔وزیرداخلہ آکھیا جو سول تے عسکری قیادت اچ بہتر تعلقات اساڈے دشمناں دے علاوہ دوستاں دا روپ دھاونڑ آلیاں کوں وی کھٹکدن۔انہاں آکھیا جو پاکستان دے دشمناں آپنڑے درپردہ مقاصد سانگے انہاں تعلقات اچ دراڑ ڈیکھنڑ دے خواہاں ہوندن۔انہاں آکھیا جو سول تے عسکری تعلقات پاکستان دے فائدے اچ ہن اتے انہاں دے مطلوبہ نتیجے برآمد تھیندے پئن۔انہاں آکھیا جو پاکستان کوں بہوں چیلنجز دا سامنڑاں اے جئیں نال نبڑنڑ سانگے ریاست دے سارے اداریاں کوں رل تے جدوجہد کرنڑ دی لوڑھ اے تانجو انہاں آکھیا جو اے وی تسلیم کیتا ونجنڑاں چاہیدا اے جو ملک اچ سلامتی دی صورتحال 2013ء دے مقابلے توں کہیں چنگا اے۔
