اسلام آباد ۔ 28 مارچ (اے پی پی)وفاقی وزیر داخلہ چوہدری نثار علی خان آکھیا جو سوشل میڈیا تے گستاخانہ مواد روکنڑ اتے ویب سائٹ کوں بلاک کرنڑ دے معاملے تے پیشرفت تھیندی پئی اے،فیس بک انتظامیہ ،ایف بی آئی اتے امریکہ دے محکمہ جسٹس اساڈے تحفظات دور کرنڑ دا یقین ڈوائے۔ماضی اچ بغیر ویزا اتے جعلی دستاویزات تے لوک پاکستان امدے ویندے ہن جڈانجو ہنڑ اینویں کائنا تھیسی،ہنڑ کہیں دی جرات کائنی جو غیرملکیاں دے جہاز بھر تے پاکستان بھیجے،امیگریشن سروس کوں ایف آئی اے توں انج کرنڑ دا فیصلہ کیتے،سابق صدر آصف علی زرداری کوں آپنڑے حلقہ انتخاب اتے آبائی گائوں آونڑ تے خوش آمدید آکھدوں۔پی پی پی دے شریک چیئرمین کوں نہ صرف سکیورٹی ڈیساں جڈانجو آپنڑے آبائی گھر چاہ تے وی سڈنڑ سانگے تیار ہاں ،انتخابات اچ پیپلز پارٹی د ی ضمانت ضبط تھی ویسی۔او منگل کوں اتھاں پنجاب ہائوس اچ پریس کانفرنس توں خطاب کریندے پئے ہن ۔
