وزیر داخلہ چوہدری نثار علی خان دی صدارت اچ علیٰ سطحی اجلاس

اسلام آباد ۔ 30 مارچ (اے پی پی) وزیر داخلہ چوہدری نثار علی خان دی ہدایت اُتے عالمی غیر سرکاری تنظیماں دی رجسٹریشن دے پالیسی فریم ورک دے تحت تقریباً 70 عالمی غیر سرکاری اداریاں کوں کم کرنڑ دی اجازت ڈتی گئی ہے ۔ وزیر داخلہ چوہدری نثار علی خان خمیس کوں اعلیٰ سطحی اجلاس دی صدارت کیتی جیندے اچ سیکرٹری داخلہ‘ ایڈووکیٹ جنرل ‘ چیئرمین نادرا‘ چیف کمشنر اسلام آباد دے علاوہ وزارت داخلہ‘ ایف آئی اے اتے پولیس دے اعلیٰ حکام شرکت کیتی۔ اجلاس اچ وزیر داخلہ چوہدری نثار علی خان وزارت داخلہ دے کم دی تعریف کریندے ہوئیں آکھیا جو عالمی غیر سرکاری اداریاں دی زیر دا شکار درخواستاں کوں تیزی نال نبیڑنڑ دی ہدایت کیتی ۔ انہاں وزارت داخلہ اچ نادرادی تکنیکی معاونت نال عالمی غیر سرکاری اداریاں دی سہولت کیتے جدید سہولت مرکز قائم کرنڑدی وی ہدایت کیتی۔ انہاں آکھیا جو او پاکستان اچ عالمی غیر سرکاری اداریاں دے آزادی نال کم کرنڑ دا خیر مقدم کریسن جڈانجو اواے گالھ واضح کرنڑاں چاہندے ہن جو ہنڑ تئیں کہیں وی غیر ملکی سرکاری ادارے کوں کم کرنڑ دی اجازت دا غلط استعمال کائناں کرنڑ ڈتا ویسی ۔ اساں کہیں کوں عالمی غیر سرکاری ادارے دے کوڑ دی چھاں اچ آپنڑیں قومی سلامتی مفادات دے خلاف کم کرنڑ دی اجازت کائناں ڈیسوں ۔ غیر ملکیاں خاص طور تے پاکستانی شہریاں نال شادی کرنڑآلے غیر ملکیاں کوں پاکستان اتے ریجن کارڈ دے جاری کرنڑ بارے وزیر داخلہ نادرا کوں ہدایت کیتی جو پاکستانی شہری نال شادی کرنڑآلے /آلی غیر ملکی مرد یا خاتون کوں پاکستان اچ قیام دی سہولت ڈیونڑ کیتے نویں کارڈ دی فراہمی اُتے کم کیتا ونجے ۔ وزیر داخلہ نادرا ولوں عمارتاں کرائے اُتے گھننڑ اتے کرائے آلیاں جاہیں اُتے دفتر تعمیر کرنڑاُتے پابندی لیندے ہوئیں آکھیا جو ایں بارے کرپشن اتے بدعنوانی دا ذریعہ کائناں بنڑنڑ ڈتا ویسی ۔ وزیر داخلہ نادرا ولوں صوبیاں اچ شہریاں کوں خدمات ڈیونڑ سانگے آپ دے مستقل ڈھانچے دے قیام کیتے صوبائی حکومتاں نال رابطیاں دے پالیسی فریم ورک دا وی جائزہ گھدا۔ وزیر داخلہ نادرا اتے پاکستان پوسٹ وچال تعاون دی وی منظوری ڈتی جیندے تحت پوسٹ آفسز کوں بہتر بنڑایا ویسی اتے ڈاکخانیاں دی عمارت اچ نادرا دیاں سہولتاں ڈتیا ویسن ۔ ایں منصوبے دے تحت ابتدائی طور تے ڈھا ڈاکخانیاں اچ نادرادی خدمات ڈتیا ں ویسن ۔ انہاں اچ چارے صوبیاں اتے آزاد کشمیر دے شہری اتے دیہی علاقیاں دے ڈاکخانے شامل ہوسن۔ ایں منصوبے کوںآزمائش توں گزارنڑ اتے ایندا چنگی طرح جائزہ گھنڑ دے بعد ایندا دائرہ کار بیا 1500 ڈاکخانیاں تئیں ودھایا ویسی ، جنہاں ا چ ملک دے دور پریں اتے دیہی علاقیاں دے ڈاکخانے وی شامل ہوسن، جنہاں اچ نادراددیاں سہولتاں ڈتیاں ویسن ۔