وزیر مملکت اطلاعات’نشریات تے قومی ورثہ مریم اورنگزیب دا ایسوسی ایٹڈ پریس آف پاکستان دے دورہ دے موقع تے اعلیٰ سطحی اجلاس توں خطاب

APP65-29 ISLAMABAD: March 29 – Minister of State for Information, Broadcasting and National Heritage Ms. Marriyum Aurangzeb being briefed by MD APP Masood Malik during her visit at APP Headquarters. APP photo by Irfan Mahmood

اسلام آباد ۔ 29 مارچ (اے پی پی) وزیر مملکت اطلاعات’نشریات و قومی ورثہ مریم اورنگزیب ‘ قومی خبر رساں ادارے ایسوسی ایٹڈ پریس آف پاکستان(اے پی پی ) دے سوشل میڈیا ڈیسک اتے انڈرائڈ ایپلی کیشن دے باقاعدہ اجرادی ہدایات ڈیندیں ہوئیں آکھیا جو اے پی پی ملک دے مثبت تشخص دے ودھارے،حکومت دے عوامی اتے فلاحی منصوبیاں،پاک چین اقتصادی راہداری ‘سپورٹس ‘کلچر سمیت بئے شعبیاں بارے اقدامات کوں عوام تئیں چنگے انداز اچ پجاونڑ سانگے آپنڑاں کلیدی کردار نبھیندا پئے ، ‘اے پی پی پاکستان دی 70سالہ تقریبات بارے آپنڑی کاروائیاں اچ موجود مواد کوںنشر اتے شائع کرے تانجو عوام الناس خصوصی اساڈی مجموعی آبادی دا62فیصد نینگر انہاں حقائق توں بہتر آگاہ تھی سگے۔او بدھ کوں قومی خبر رساں ادارے “ایسوسی ایٹڈ پریس آف پاکستان دے دورہ دے موقع تے اعلیٰ سطحی اجلاس توں خطاب کریندی پئی ہن ۔وزیر مملکت مریم اورنگزیب ‘ اے پی پی کمیٹی روم اچ اعلی سطحی اجلاس دی صدارت کیتی۔جلاس اچ منیجنگ ڈائریکٹراے پی پی مسعود ملک، ڈائریکٹر نیوز نعیم چوہدری ‘ڈائریکٹر کوآرڈینشن اکرم ملک ‘ڈائریکٹر انفارمیش ٹیکنالوجی غواث خان دے علاوہ سوشل میڈیا ڈیسک اتے بئے شعبیاں دے نمائندے موجود ہن ۔ر۔ وزیر مملکت مریم اورنگزیب کو ںبریفنگ ڈیندیں ہوئیں منیجنگ ڈائریکٹر مسعود ملک ڈسایا جو اے پی پی مصدقہ خبراں دی ترسیل دا ادارہ اے ،جیڑھی جو خبراں،فوٹو،ویڈیو فوٹیج اتے سوشل میڈیا نال پاکستان اچ عوام الناس اتے پوری دنیا دی خبراں پجیندی پئی اے۔انہاں ڈسایا جو اے پی پی انگلش،اردو ،عربی دے توں علاوہ صوبائی یکجہتی کوں یقینی بنڑاونڑ سانگے علاقائی زباناں،سرائیکی،سندھی،پشتو،بلوچی اچ وی خبراں قومی اخباراں ،علاقائی اخبارات،ٹی وی چینلز ،ریڈیو چینلز اتے خبراں دے تبادلے دے معاہدیاں دی روشنی اچ مختلف بین الاقوامی نیوز ایجنسیز کوں ڈیندی پئی اے۔انہاں ڈسایا جو اے پی پی ملک دے سارے صوبیاں،وڈے شہراں اچ اے پی پی دے بیوروآفسز اتے اسٹیشنز کم کریندے پئین۔وزیرمملکت اے پی پی دے سوشل میڈیا کوں بئیا فعال بنڑاونڑ دی لوڑھ تے زور ڈتا۔انہاں آکھیا جو اے پی پی اپنی خبراں ‘فیچرز ‘رائٹ اپ’دستاویزاتی فلماںنال حکومتی اقدامات کوں چنگے اقدامات اچ اجاگر کرے۔انہاں ایم ڈی اے پی پی کوں ہدایت ڈتی جو ایڈیٹوریل سٹاف دے استعداد کار اچ ودھارے اتے رپورٹنگ کوں عالمی معیار دے مطابق گھن آونڑ سانگے تربیتی پروگرام کوں بئیا تکھا کیتا ونجے۔بعد اچ وزیر مملکت ‘ اے پی پی دے سینٹرل نیوز ڈیسک ‘ویڈیو نیوز سروس ‘جنرل رپورٹنگ اتے اے پی پی دے بئے شعبیاں دا وی دورہ کیتا۔