اسلام آباد ۔28 مارچ(اے پی پی) وفاقی وزیر خزانہ سینیٹر اسحاق ڈار آکھیا جو 28واں ترمیمی بل دی حمایت تے سیاسی جماعتاں دے شکر گزار ہیسے،دہشت گرداں دا کوئی مذہب کائنی،انہاں دا ایجنڈا صرف تباہی اے،فوجی عدالتاں دا قنون ختم تھیونڑ دا ویلھا آندے ای دہشت گردی دی ہک نویں لہر آئی،باہرلی دنیا وی دہشت گردی نال نبڑنڑ سانگے خصوصی قنون بنڑائن ،اساں کوں معذرت خواہانہ رویہ اختیار کرنڑ دی لوڑھ کائنی۔منگل کوں ایوان بالا اچ 28ویں ترمیمی بل تے گالھ مہاڑ کریندیں ہوئیں انہاں آکھیا جو دسمبر2014ء اچ ای پی ایس دے واقعہ دے بعد جنوری 2015ء اے بل متعارف کروائے گئے ہن ۔انہاں آکھیا جو فوجی عدالتاں پاکستان دی لوڑھ ہن ۔اے ساریاں جماعتاں دا کٹھا فیصلہ اے جئیں تے ساری جماعتاں دا شکر گزار ہاں۔
