اسلام آباد ۔ 30 مارچ (اے پی پی) وفاقی وزیر خزانہ سینیٹر محمد اسحاق ڈارآکھیا جو پاکستان کوں درپیش سکیورٹی چیلنجز نال نبڑنڑ سانگے فوجی عدالتاں اچ2سال دی توسیع ڈیونڑ ضروری ہئی ،وزیراعظم محمد نواز شریف دی ولولہ انگیز قیادت،موثر اتے کارآمد پالیسیاں نال اج دا پاکستان 2013ء دے پاکستان توں چنگا اے اتے خوشحال اے،پاک چین اقتصادی راہداری منصوبہ گیم چینجر اے۔انہاں آکھیا جو پی پی پی جیڑھے 9مطالبے پیش کیتے ہن انہاں وچوں 4کوں مسودے اچ رلایا گئے تانجو اتفاق رائے کوں یقینی بنڑایا ونج سگے۔ہک سوال دے جواب اچ انہاں آکھیا جو 1992ء اتے 2001دے قوانین دے تحت غیر ملکی کرنسی اکائونٹس کوں پورا تحفظ حاصل اے،بے نامی اکائونٹس تاں ہنڑ تئیں ملک اچ موکل ہئی جڈانجو کجھ سالیں اچ پیشہ لُکا کراہیں اوکھا ہوسی۔انہاں آکھیا جو پاکستان مسلم لیگ(ن) اتے پی پی پی وچال کوئی ڈیل کائنی تھی اتے نہ ایجھی گالھیں اچ کوئی سچائی اے۔
