وفاقی کابینہ فاٹا اصلاحات کمیٹی دی سفارشات دی اصولی منظوری ڈے ڈتی فاٹا دے عوام پاکستان دی خودمختاری، سالمیت اتے دفاع سانگے ودھ ساریاں قربانیاں ڈتیاں ہن، وقت آ گیا ہے جو فاٹا دے عوام کوں مرکزی دھارے اچ شامل کیتا ونجے، وزیراعظم محمد نواز شریف

اسلام آباد ۔ 2 مارچ (اے پی پی) وفاقی کابینہ وزیراعظم محمد نواز شریف دی صدارت اچ تھیونڑ آلے فاٹا اصلاحات دی سفارشات دی اصولی منظوری ڈے ڈتی ہے ۔خمیس کوں وفاقی کابینہ دا اجلاس وزیراعظم نواز شریف دی صدارت اچ وزیراعظم ہاﺅ س اچ تھیا جیں توں خطاب کریندے ہوئیں وزیراعظم نواز شریف آکھیا جو پاکستان ہر شہری داہے تے ہر شہری کوںامتیاز دے بغیر ترقی تے خوشحالی دے ہکو جہیے موقع ملنڑے چاہیدے ہن ۔انہاں فاٹا دے عوام دی حب الوطنی اتے قومی جذبے کوں چنگاں اکھیندے ہوئیں آکھیا جو انہاں دی تاریخ پاکستان نال محبت دی بھری ہوئی ہے ۔وزیراعظم آکھیا جو فاٹا دے عوام پاکستان دی خودمختاری، سالمیت اتے دفاع سانگے ودھ ساریاں قربانیاں ڈتیاں ہن، وقت آ گیا ہے جو فاٹا دے عوام کوں مرکزی دھارے اچ شامل کیتا ونجے،انہاں دیاں محرومیاں کوں ختم کیتا ونجے ،وزیراعظم آکھیا جو فاٹا تے گلگت تے آزاد کشمیر دے عوام دا قومی وسائل تے برابر دا حق ہے جیں طرح باقی صوبیں اچ وسنڑ آلی عوام دا ہے ۔وفاقی کابینہ دے اجلاس اچ سیکرٹری سیفران ارباب شہزاد فاٹا اصلاحات کمیٹی دی سفارشات بارے اچ کابینہ کوں بریفنگ ڈتی۔ گورنر خیبر پختونخوا اقبال ظفر جھگڑا خصوصی دعوت تے اجلاس اچ شرکت کیتی۔