اسلام آباد ۔22 مارچ(اے پی پی) وفاقی وزیر تجارت انجینئر خرم دستگیر خان آکھیا ہے جو پاکستان اتے میانماروچال سفارتی تعلقات موجود ہن۔ بدھ کوں قومی اسمبلی اچ سوالاں دے وقفے دے دوران خالدہ منصور دے سوال دے جواب اچ وفاقی وزیر تجارت خرم دستگیر خان آکھیا جو پاکستان تے میانمار وچال تجارت کئی سالاں توں برائے ناں رہی ہے ۔ڈوہیں ملکاں وچال تجارتی تعاون گھٹ رہیا ۔ایندی بنیادی وجہ اجوکے وقتاں اچ جمہوری نظام ولوں منتقلی دے باوجود ملک اچ عدم استحکام ہے ۔2015-16اچ میانمار کوں پاکستانی بر آمدات 10.9ملین امریکی ڈالر ہن جڈاں جو در آمدات 26ملین امریکی ڈالر ہئی ۔پاکستان آسیان دا مذاکراتی شریک بنڑ نڑ سانگے کوشاں رہیا جیں سانگے آسیان دے وڈے شرکاءدے نال ڈو پارے معاہدے کرنڑ دی پالیسی اختیار کیتی ہے ۔
