پاکستان اچ افغانستان دے سفیر عمر زاخیل وال دا 13 ویں اقتصادی تعاون تنظیم سربراہ اجلاس توں خطاب

افغانستان ای سی او دے اغراض تے مقاصد کو ںعملی شکل ڈیونڑ سانگے پر عزم ہے ، وزیراعظم نواز شریف دی قیادت اچ ای سی او تنظیم بلندیاں دی نویں سطح تے پج ویسی
اسلام آباد ۔ یکم مارچ (اے پی پی) پاکستان اچ افغانستان دے سفیر عمر زاخیل وال ایں عزم دا اعادہ کیتا ہے جو افغانستان اقتصادی تعاون تنظیم (ای سی او)دے اغراض تے مقاصد کوں عملی شکل ڈیونڑ سانگے پر عزم ہے ،علاقائی رابطے کوں ودھارا ڈیونڑ سانگے رکن ملکاں اچ امن تے استحکام ناگزیر ہے،وزیر اعظم نواز شریف دی قیادت اچ ای سی او بلندیاں دی نویں سطح تے پج ویسی ۔بدھ کوں اتھاں13ویں اقتصادی تعاون تنظیم (اے سی او)سربراہ اجلاس توں خطا ب کریندے ہوئیں انہاں خطے دے وسائل کوںسارے رکن ملکاں دے فائدے سانگے بروئے کار لانے دی ضرورت تے زور ڈتا۔انہاں آکھیا جو سارے رکن ملکاں سانجھی حکمت عملی تے عمل در آمد دے ذریعے غربت تے بئے چیلنج تے قابو پاتا ونج سگدا ہے ۔افغان سفیر جنگ توں متاثرہ افغانستان سانگے چنگے تعاون ظاہر کرنڑ تے سربراہ اجلاس اچ شریک سارے سربراہان دا شکریہ اداکیتا۔