اسلام آباد ۔ 28 مارچ (اے پی پی)وفاقی وزیر دفاعی پیداوار رانا تنویر حسین آکھیا ہے جو پاکستان اتے جنوبی افریقہ دفاعی پیداوار اچ تعلقات ودھاونڑ تے رضا مند ہن۔ اے گالھ وفاقی وزیر جنوبی افریقہ دی دفاعی پیداواردی وزیر ماپیسا نکولا اتے انہاں دے وفد نال ملاقات دے دوران آکھی ۔منگل کوں تھیونڑ آلی ملاقات اچ معیشت ،سرمایہ کاری اتے دفاعی پیداوار دے شعبیں اچ وسیع تر ڈو طرفہ باہمی تعلقات کوں زیر بحث لاتا گیا ۔سیکرٹری دفاعی پیداوار تے وزارت دفاع دے اعلیٰ حکام وی ایں موقع تے موجود ہن ۔وفاقی وزیر آکھیا جو پاکستان جنوبی افریقہ دے نال تعلقات کو ں بہوں اہمیت ڈیندا ہے تے چاہندا ے جو انہاں تعلقات کوں وسعت ڈتی ونجے ۔انہاں ڈوہیں ملکاں اچ دفاعی تعاون دے خدوخال کوںچنگے طور تے بیان کیتاتے ڈوہیں ملکاں دی فوج تے دفاعی تعلقات ممکنہ ترقی اتے نمو سانگے ضروری ہن تے دفاعی آلات دی مشترکہ پیداوار، دفاع، ٹیکنیکل تعاون دے سانجھے کمیشن دی تشکیل تے معاملات آگی تے ودھاسگدوں۔پاکستان ولوںپاکستان دیدفاع پیداوارتوں منسلک حکام دے جنوبی افریقہ دے دفاعی صنعت دے عوامی اتے نجی شعبیں اچ رابطے سانگے دورے دی تجویز ڈتی گی ہے
