راولپنڈی ۔ 24 مارچ (اے پی پی) پاک فوج دے سربراہ جنرل قمر جاوید باجوہ لائن آف کنٹرول اُتے کیل سیکٹر اتے اگلے مورچیاں دا دورہ کیتا ۔پاک فوج دے شعبہ تعلقات عامہ دے مطابق جنرل آفیسر کمانڈر مری میجر جنرل اظہر عباس ایں مہینے لائن آف کنٹرول دی تازہ ترین صورتحال ‘بھارتی فوج ولوں جنگ بندی دیاںخلاف ورزیاں دے حوالے نال بریفنگ ڈتی گئی۔آرمی چیف خانہ و مردم شماری دے حوالے نال پاک فوج دے تعاون دی تعریف کیتی ۔ آرمی چیف آپریشنل تیاریاں اتے سیز فائرلائن دیاں خلاف ورزیاں اُتے موثر جواب دی تعریف کیتی ۔آرمی چیف جنرل قمر جاوید باجوہ آکھیا جو بھارت ولوں لائن آف کنٹرول دے قریب شر پسنداں دی موجودگی بارے پراپیگنڈہ صرف اتے صرف عالمی برادری دی توجہ مقبوضہ کشمیر اچ ظلم و بربریت توں توجہ ہٹا ونڑ ہے ۔ انہاں آکھیا جو پاک فوج لائن آف کنٹرول دے قریب لوکاں دا تحفظ یقینی بنڑیسی ۔ آرمی چیف ہدایت ڈتی جو آزاد وجموں کشمیر اچ ترقیاتی کماں اچ حکومت آزاد کشمیر دے نال رل تے تعاون کریسوں ۔
