اسلام آباد ۔9 مارچ(اے پی پی) پارلیمانی سیکرٹری مائزہ حمیدآکھیا ہے جو پشاور موڑ دے نیڑے ہفتہ وار بازار دی روڈ دے ہک چھوٹے حصے کوں میٹرو حکام بغیر مرمت کیتے چھوڑ ڈتا ہے ۔فنڈزمختص کیتے ونجنڑ دے بعد ایندا کم پورا کر ڈتا ویسی ۔خمیس کوں قومی اسمبلی اچ سوالاں دے وقفے دے دوران شیر اکبر خان دے سوال دے جواب اچ پارلیمانی سیکر ٹری مائزہ حمید ڈسایا جو ہفتہ وار بازار پشاور موڑ دی سروس روڈ دے ہک چھوٹے حصے دے کم دی ضرورت ہے ۔میٹرو حکام بغیر کم کیتے چھوڑ ڈتا ۔اے میٹرو منصوبہ دا حصہ ہئی تاں جو ضروری منظوری دی تخصیص دے بعد کم دا آغاز کر ڈتا ویسی
