اسلام آباد ۔ 10 مارچ (اے پی پی) پاکستان سپر لیگ سپاٹ فکسنگ دے معاملہ تے ایف آئی اے دی ابتدائی رپورٹ وزیرِ داخلہ کوں پیش کر ڈتی گئی جئیں اچ پی ایس ایل وچال سپاٹ فکسنگ دی روک تھام بارے کیتے گئے اقدامات اتے کھڈاریاں دے ملوث تھیونڑ دے امکان بارے اہم نکات دی نشاندہی کیتی گئی اے۔وزارت داخلہ ولوں جاری بیان دے مطابق رپورٹ اچ آکھیا گئیا جو پی سی بی ولوں ڈتی گئی معلومات اتے موثر شواہد دا فرانزک جائزہ گھن کراہیں ذمہ واراں دا تعین کیتا ویسی۔رپورٹ اچ آکھیا گئیا جو کھڈاریاں دے موبائل فونز توں پیغام مٹاونڑ دے معاملہ دا وی تفصیلی جائزہ گھدا ویندا پئے تانجو ایں گالھ دی تحقیقات کیتی ونج سگن جو کیڑھے کھڈاریاں دا بکیاں نال رابطہ ہئی ۔
