اسلام آباد ۔ 29 مارچ (اے پی پی) چھیویں خانہ مردم شماری دے پہلے مرحلے دا ڈوجھا بلاک جمعے کوں شروع تھیندا پیا ہے جیرھا جو اگلے مہینے دی 13تریخ کوں پورا تھیسی ۔ ریڈیو پاکستان دے مطابق ایں مرحلے دے دوران خیبر پختونخوا دے 6ہزار 4 سو 45 ‘ فاٹا دے ہک سو 25‘ پنجاب دے 20ہزار‘ ہک سو 88‘ سندھ دے 9ہزار 81 ‘ بلوچستان دے 2ہزار 8 سو 14، آزاد کشمیردے ہک ہزار 2 سو 22 اتے گلگت بلتستان دے 3 سو 60 بلاک اچ خانہ و مردم شماری دا عمل جمعے کوں شروع تھیسی جیرھا جو ترائے ڈینھ تئیں جاری رہسی ۔ مردم شماری دے متعلق شکایات سانگے اسلام آباد اچ ادارہ شماریات اچ ہک کنٹرول روم قائم کیتا گیا ہے جتھاںشہری مردم شماری متعلق شکایات ٹال فری نمبر 0800-57574تے درج کرواسگدے ہن ۔ مردم شماری متعلق ہنڑ تئیں ہک ہزار 4 سو شکایات موصول تھیاں ہن جنہاں کوں وختی خوش اسلوبی نال نبیڑ ڈتا گیا ہے ۔
