اسلام آباد ۔ 30 مارچ (اے پی پی) چھیویں خانہ مردم شماری دے پہلے مرحلے دا ڈوجھاا بلاک (اج) جمعے کوں شروع تھیسی ‘جیرھا جو اگلے مہینے دی 13 تاریخ کو ں پورا تھیسی ۔ ادارہ شماریات دے مطابق ایں مرحلے دے دوران خیبر پختونخوا دے 6ہزار 4 سو 45 ‘ فاٹا دے ہک سو 25‘ پنجاب دے 20ہزار‘ 01 سو 88‘ سندھ دے 9ہزار 81 ‘ بلوچستان دے 2ہزار 8 سو 14 جڈاں جو آزاد کشمیر دے01 ہزار 2 سو 22 اتے گلگت بلتستان دے 3 سو 60 بلاک اچ خانہ و مردم شماری دا عمل اج توں شروع تھیسی جیرھا جو ترائے ڈینھ تئیں جاری رہسی ۔ مردم شماری متعلق شکایات سانگے اسلام آباد اچ ادارہ شماریات اچ ہک کنڑول روم قائم کیتا گیا ہے جتھاں شہری مردم شماری متعلق شکایات ٹال فری نمبر 0800-57574 تے درج کرواسگدے ہن ۔ مردم شماری متعلق تئیںہک ہزار 4 سو شکایات موصول تھیاں ہن جنہاں کوں خوش اسلوبی نال نبیڑ ڈتا گیا ہے ۔
