یوم پاکستان دا ڈینھ ہر سال اساکوںجمہوری اقدار تے اصولاںدی پاسداری دا درس ڈینداہے ،اعزاز چوہدری

واشنگٹن۔ 24 مارچ (اے پی پی) امریکا اچ پاکستان دے سفیر اعزاز احمد چوہدری آکھیا ہے جو یوم پاکستان دا ڈینھ ہر سال اساکوںجمہوری اقدار تے اصولاںدی پاسداری دا درس ڈینداہے جیں دے تحت برصغیر دے مسلماناںدے ہک علیحدہ مملکت دے حصول دے اپنڑے خواب کوں حقیقت دا روپ ڈتا ہئی ۔انہاںآکھیا جو 77واں یوم پاکستان ایں سانگے وی اہم ہے جو اجوکے سال اساں اپنڑاں 70واں یوم آزادی منیسوں ۔تقریب اچ شریک مہماناںکوں پاکستانی سفارت خانے دے عملے ولوں خوش آمد ید آکھیا گیا ایں موقع تے خطاب کریندے ہوئیں اعزاز چوہدری آکھیا جو دہشت گردی دے خلاف جاری مہم اچ پاکستان کوں حاصل تھیونڑ آلی کامیابیاں تے روشنی پاتی ۔پاکستانی سفیر خصوصی طور تے آکھیا جو پاکستان امن تے سلامتی اتے استحکام دے رستے تے ٹردا پئے ۔ ایں توں پہلے پریس اتاشی یوم پاکستان دے حوالے نال صدر ممنون حسین اتے وزیراعظم محمد نوازشریف دے خصوصی پیغام پڑھ تے سنڑائے۔