فیصل آباد۔15اپریل (اے پی پی )وزیر اعلیٰ پنجاب محمدشہباز شریف ہفتے دی سویل فیصل ۱ٓباد دے دوراے دے دوران کئی میگا پراجیکٹس دا افتتاح کرڈتا۔وزیر اعلیٰ بذریعہ ہیلی کاپٹر جی سی یونیورسٹی جھنگ روڈ فیصل ۱ٓباد پجے جتھاں وزیر مملکت پانڑیں تے بجلی چوہدری عابد شیر علی، صوبائی وزیر قانون رانا ثنا ءاللہ خان،کمشنر فیصل ۱ٓ باد مومن ۱ٓ غا، ۱ٓ ر پی او بلال صدیق کمیانہ، ارکان قومی تے صوبائی اسمبلی ااتے اہم رہنماواں انہاں دا استقبال کیتا ۔وزیراعلیٰ 5ارب روپے دی لاگت نال زیر تعمیر ہک ہزار بستریں تے مشتمل ایشیا دے ساریں توں وڈے چلڈرن ہسپتال دا افتتاح کیتا تے ہسپتال کوں وختی انسٹیٹیوٹ ۱ٓف چائلڈ ہیلتھ دادرجہ ڈیونڑ دا وی اعلان کیتا ۔ایںموقع تے وزیراعلیٰ کوں ڈسایا گیا جو ہسپتال دے ابتدائی منصوبے کوں ہک ارب روپے دی لاگت نال پورے کر تے اپریشنل کر ڈتا گیا ہے جڈاں جو باقی منصوبے تے کم جاری ہے ۔وزیراعلیٰ آکھیا جو سٹیٹ آف دی چلڈرن ہسپتال نال نہ صرف فیصل آباد ڈویژن بلکہ سرگودھا ڈویژن دے ضلعے تے بئے شہراں دے لکھاں بال وی مستفید تھیسن ،وزیراعلیٰ آکھیا جو ایں ہسپتال اچ دنیا دی جدید مشینری نصب کیتی ویندی پئی ہے جیں نال بالاں کوں عالمی معیار دیاں طبی سہولتاں مل ویسن ایں موقع تے انہاں منصوبے وختی پورے کرنڑ دی ہدایت کیتی ۔