اسلام آباد ۔ 28 اپریل (اے پی پی)حج2017ء سانگے سرکاری سکیم دے تحت کامیاب درخواست گزاراں دا چنڑائو کر گھدا گئے ،ہک لکھ7ہزار توں ودھ خوش نصب پاکستانی ایں سال سرکاری سکیم دے تحت فریضہ حج ادا کریسن۔جمعہ کوں وزارت مذہبی امور اچ سرکاری سکیم دے تحت قرعہ اندازی کیتی گئی۔ایں موقع تے وفاقی وزیر مذہبی امور سردار محمد یوسف، وزیر مملکت برائے مذہبی امور پیر امین الحسنات شاہ سمیت وزارت مذہبی امور، ذرائع ابلاغ دے نمائندیاں سمیت اہم شخصیات شرکت کیتی۔ایں سال پورے ملک توں 17اپریل توں 26اپریل تئیں قومی تے نجی بینکاں دی مجاز شاخاں اچ 3لکھ38ہزار696درخواستاں جمع تھئی۔ایں موقع تے وفاقی وزیرخطاب کریندیں ہوئیں آکھیا جو گزریل سال ڈو لکھ80ہزار درخواستاں جمع تھیاں۔چنگے حج انتظام پاروں عوام دا سرکاری سکیم تے اعتماد ودھدا پئے ایں سانگے ایں سال زیادہ درخواستاں جمع تھین
