راولپنڈی ۔ 12 اپریل (اے پی پی) پاک فوج دے سربراہ جنرل قمر جاوید باجوہ مختلف آپریشنزوچال بہادری دا مظاہرہ کرنڑ آلے69افسراں اتے نینگراں کوں ستارہ امتیاز (ملٹری)’تمغہ بسالت اتے تمغہ جرات نال نوازیا۔پاک فوج دے شعبہ تعلقات عامہ دے مطابق بدھ کوں جی ایچ کیو راولپنڈی اچ افسراں اتے نینگراں کوں اعزازات ڈیونڑ سانگے ہک پروقار تقریب تھئی۔تقریب اچ پاک فوج دے شہیداں،غازیاں دے ٹبراں دی وڈی تعداد شریک تھئی۔آرمی چیف ‘ 33افسراں کوںستارہ جرات(ملٹری) ‘ہک آفیسر کو ںتمغہ جرات اتے 35افسراں اتے نینگراں کوں تمغہ بسالت ڈتا۔اے اعزازات شہیداں دے فیملی ممبراں حاصل کیتے۔آرمی چیف پاک فوج دے شہیداں اتے غازیاں کوں خراج تحسین پیش کریندیں ہوئیں آکھیا جو پاک فوج دے افسر اتے نینگر اساڈے حقیقی ہیرو ہن جنہاں دی قربانیاں اتے بے لوث دی بدولت ملک اچ امن تے استحکام آئے۔
