اسلام آباد ۔ 20 اپریل (اے پی پی) وزیر مملکت نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ آکھیا ہے جو 2017اچ ہنڑ تئیں ملک اچ ڈو پولیو دے کیس سامنڑے آئے ہن ، اجوکے سال چنگے حکومتی اقدامات پاروںپولیو وائرس تے قابو پاگھدا ویسی۔ خمیس کوں ایوان بالا اچ سوالاں دے وقفے دے دوران سینیٹر احمد حسن، جہانزیب جمالدینی اتے بئے ارکاناں دے سوال دے جواب اچ انہاں ڈسایا جو 2015اچ پولیو دے 50 اتے 2016اچ20 کیس سامنڑے آئے ہن۔ 2017اچ ہنڑ تئیں لودھراں اتے دیامر توں ہک ہک پولیو دا مریض سامنڑے آیا ہے ۔ انہاںآکھیا جو ملک اچ پولیو دے خاتمے سانگے حکومتی اقدامات اطمینان بخش ہن ۔ 2014اچ پولیو دے مریضاں دی مجموعی تعداد 306 ہئی۔ انہاں ڈسایا جو ملک اچ دوائیاں دی رجسٹریشن کمپنی دے ناں تے فارمولے دے نال کیتی ویندی تے تے ڈوہیں طرح اینکوں رجسٹر کیتا ویندا ہے۔ انہاں آکھیا جو دوائیاں دی مارکیٹنگ ہک تجارتی عمل بنڑ گیا ہے۔ مقامی ادویہ ساز کمپنیاں وی تجارتی نام ملکیتی ناں دے نال لا تے اپنڑی مصنوعات دی وکامت ودھاونڑ سانگے فروغ ڈیندی پئی ہے کیوں جو اے طریقہ کار قنون دی خلاف ورزی کائنی ۔
