اسلام آباد ۔ 24 اپریل (اے پی پی) اردن دا پارلیمانی وفد چیئرمین سینیٹ میاں رضا ربانی دی خصوصی دعوت تے پاکستان پج گیا۔ وفد دی قیادت اردن دی سینیٹ دے صدر فیصل عاکیف الفیاض کریندے پن۔ سینیٹر مہمانداری جاوید عباسی ایئرپورٹ تے وفد دا استقبال کیتا۔ ایں دورے دا مقصد پارلیمانی رابطے کوں مستحکم کرنڑ تے ڈو پاسے تعاون کوں مزید ودھارا ڈیونڑ تے غور کرنڑاں ہے۔ اردن دا پارلیمانی وفد اپنڑے ایں ادورے دے دوران وزیراعظم دے مشیر خارجہ امور ،پاکستان اردن یاری گروپ دے علاوہ اعلیٰ سطح تے ملاقاتاں کریسن ۔ایندے علاوہ پارلیمانی سطح تے رابطے کوں مزید استحکام ڈیونڑ سانگے ڈوہیں ملکاں وچال سمجھوتے دی یاداشت تے دستخط وی کیتے ویسن تاں جو ہک ڈوجھے دے تجربے نال چنگاں فائدہ چاتا ونج سگے ۔
