اسلام آباد ۔ 18 اپریل (اے پی پی) اسلام آباد، راولپنڈی،لاہور، سمیت پنجاب،گلگت بلتستان اتے خیبر پختونخوا دے کئی علاقیں اچ 5.5 شدت دے زلزلے دے جھٹکے محسوس کیتے گن۔زلزلے دی اطلاع ڈیونڑ آلے مرکز کے دے مطابق منگل دی سویل 4وج تے 05منٹ تے اسلام آباد، راولپنڈی،لاہور، سمیت پنجاب ،غذر، فاٹا،سوات،مالاکنڈ اتے پشاور اچ زلزلے دے ودھ سارے جھٹکے محسوس کیتے گے ہن جیں پاروں لوکاں اچ ڈر کھنڈ گیا او کلمہ طیبہ داورد کریندے ہوئیں گھراں توں باہر نکل آئے ۔ریکٹر سکیل تے زلزلے دی شدت 5.5ریکارڈ کیتی گی، زلزلے دا مرکز کوہ ہندوکش افغانستان ریجن اچ 180کلومیٹرتلے زمین اچ ہئی۔زلزے دے کہیں جانی یا مالی ضیان دی اطلاع کائنی ملی ۔
