اسلام آباد ۔ 08 اپریل (اے پی پی) بھارت اچ پاکستانی ہائی کمشنر عبدالباسط آکھیا جو کشمیر پاکستان اتے بھارت وچال ساریاں توں وڈا تنازعہ اے،بھارت اقوام متحدہ دی قرارداداں تے عمل نی کریندا پئیا، کلبھوشن یادیو اتے سمجھوتہ ایکسپریس جیہے واقعے ڈو پاسہ تعلقات کوں خراب کرنڑ دا باعث ہن۔نویں دہلی اچ بھارتی ٹی وی کوں انٹرویو ڈیندیں ہوئیں عبدالباسط آکھیا جو ممبئی حملے دی تحقیقات سانگے پاکستانی جوڈیشل کمیشن کوں بھارت آونڑ اچ چار سال لگین ۔اے بہوں خاصا پیچیدہ معاملہ اے،بھارت کوں تعاون کرنڑاں پمسی۔ہک سوال دے جواب اچ انہاں آکھیا جو بھارت ولوں پاکستان کوں کلھا کرنر دے خواب صرف خواب رہ ویسن۔
