اسلام آباد ۔ 23 اپریل (اے پی پی) وفاقی وزیر تجارت خرم دستگیر خان آکھے جو حکومت تعلیم دے فروغ کیتے سارے وسائل استعمال اچ گھن آندی پئی ہے ۔ اتوار کوں ریڈیو پاکستان نال گالھ مہاڑ کریندے ہوئیں وفاقی وزیر آکھیا جو حکومت تعلیم دے شعبے دے فروغ کیتے فنڈز استعمال کرتے بہترین سرمایہ کاری کریندی پئی ہے ۔ انہاں آکھیا جو پنجاب ایجوکیشن انڈومنٹ فنڈ دا قیام ہک انقلابی اقدام ہے جیندے نال لکھاں مستحق طلباء کوں فیدہ تھیندا پئے ۔ انہاںآکھیا جو پروگرام دے تحت جنہاں علاقیاں اچ سرکاری سکول کائنی اتھاں نجی سکولاں دے طلباء دے تعلمی اخراجات وی ادا کیتے ویندے پن ۔
