اسلام آباد ۔ 23 اپریل (اے پی پی) ملک اچ ریلوے نیٹ ورک دی بہتری اتے اپ گریڈیشن دے کئی منصوبیاں اُتے کم جاری ہے ۔ سرکاری ذرائع ریڈیو پاکستان کوں ڈسایا جو حکومت ملک اچ ریلوے دے نیٹ ورک دی بہتری کیتے مختلف منصوبیاں اُتے کم کریندی پئی ہے ۔ سرکاری ذرائع دے مطابق رواں مالی سال دے دوران انہاں منصوبیاں کیتے 47 کروڑ چالہی لکھ روپے رکھے گئے ہن ۔ جاری منصوبیاں اچ پائپ لائن دی تبدیلی ، پانڑیں دیاں سہولتاں دی فراہمی اتے بئے سازوسامان اتے سارے ملک اچ مختلف ریلوے اسٹشناں اُتے سکیورٹی انتظامات اچ بہتری شامل ہن ۔ ریلوے دے ترقیاتی منصوبیاں اچ ریلوے اسٹیشناں اُتے بھاہ لگنڑ آلے آلات دی فراہمی اتے تعمیراتی کم وی شامل ہے۔
