حکومت ولوںجنرل (ر) راحیل شریف کو ںمجوزہ اسلامی اتحادی فوج اچ شمولیت کیتے این او سی جاری کر ڈتا گئے ، وزیر دفاع خواجہ آصف

اسلام آباد ۔ 21 اپریل (اے پی پی) وفاقی حکومت ولوں سابق آرمی چیف جنرل (ر) راحیل شریف کوں مجوزہ اسلامی اتحادی فوج اچ سربراہ دی حیثیت نال شامل تھیونڑکیتے این او سی جاری کر ڈتے ۔ وزیر دفاع خواجہ آصف جمعے کوں اتھاں میڈیا نال گالھ مہاڑ کریندے ہوئیں ایں خبر دی تصدیق کیتی ہے اتے آکھے جو کجھ ڈینھ پہلے جنرل (ر) راحیل شریف کو ںاین او سی جاری کر ڈتا گیا ہئی ، انہاں کوں سارے ضابطے پورے تھیونڑ دے بعد این او سی ڈتا گئے ۔ ہک سوال دے جواب اچ وزیر دفاع آکھے جو جنرل (ر) راحیل شریف اسلامی اتحادی فوج دے سربراہ دا عہدہ سنبھالنڑ کیتے سعودی عرب روانہ تھی گئے ہن ۔ جنرل (ر) راحیل شریف نومبر 2016ءتئیں بری فوج دے سربراہ دی حیثیت نال نوکری کیتیہئی اتے آپ دی ترائے سالیں دی مدت اچ ملک توں دہشت گردی کوں مکاونڑ کیتے جدوجہد اچ وڈی عزت حاصل کیتی ۔ پاکستان دی فوج کوں ہک طاقتور جنگی فوج بنڑاونڑکیتے انہاں دے کردار کوں ہمیشہ یاد رکھیا ویسی ۔