اسلام آباد ۔ 27 اپریل ((اے پی پی)دفتر خارجہ آکھیا جو بھارت ولوں پاکستان اچ دہشت گردی دی حمایت اتے ریاستی سرپرستی بے نقاب تھی گئی اے،عالمی برادری بھارت دی تخریبی اتے دہشت گردی دی سرگرمیاں دا نوٹس گھننے،تحریک طالبان پاکستان دے سابق ترجمان احسان اللہ احسان اتے بھارتی خفیہ ایجنسی را دے ایجنٹ کلبھوشن یادیو دے پاکستان اچ دہشت گردی دے اعترافی بیانات اتے افغانستان اچ مدر آف آل بم دے دھماکے اچ 13را ایجنٹاں دی ہلاکت بھارت دے خلاف ناقابل تردید ثبوت ہن۔ دفتر خارجہ دے ترجمان نفیس ذکریا خمیس کوں ہفتہ وار پریس بریفنگ اچ ٹی ٹی پی دے سابق ترجمان بارے ہک سوال دا جواب ڈیندیں ہوئیں آکھیا جو احسان اللہ احسان دا کیس کلبھوشن یادیو توں مختلف اے ،ٹی ٹی پی دے سابق ترجمان رضاکارانہ طور تے خود کوں سکیورٹی فورسز دے حوالے کر ڈتے اتے ایں وی افغانستان اچ بھارتی را ایجنٹاں دی موجودگی،دہشت گرداں دی سرپرستی اتے افغانستان سرزمین پاکستان دے خلاف استعمال کرنڑ دا اعتراف کیتے۔کلبھوشن یادیو کوں قونصلررسائی بارے سوال تے ترجمان آکھیا جو ایں بارے فیصلہ میرٹ تے کیتا گئے ۔
