اسلام آباد ۔ 04 اپریل (اے پی پی) وزیراعظم دے معاون خصوصی برائے امور خارجہ سیّد طارق فاطمی نال منگل کوں اتھاں مراکش دے اجوکے لگنڑ آلے سفیر محمد کرمونی ملاقات کیتی۔طارق فاطمی مراکش دے سفیر دا خیر مقدم کریندیں ہوئیں آکھیا جو پاکستان اتے مراکش وچال تعلقات عقیدت،تریخی تجربات اتے ثقافت اچ مماثلتاں دی بنیاد تے استوار ہن ۔انہاں شاہ محمد چہارم دی قیادت اچ مراکش اچ تھیونڑ آلی ترقی کوں سراہیا۔انہاں مراکش دے سفیر دے پاکستان اچ خوشگوار قیام سانگے نیک خواہشات دا اظہار کیتا۔انہاں یقین ڈوایا جو حکومت پاکستان انہاں نال فرائض منصبی نبھاونڑ سانگے ہرممکن تعاون کریسی۔
