اسلام آباد ۔ 26 اپریل (اے پی پی) گزریل ترائے سالیں دی چنگی خدمات تے وزیراعظم محمد نواز شریف دی سفارش تے صدرِ مملکت ممنون حسین ‘ چیئرمین پاکستان ہلال احمر ڈاکٹر سعید الٰہی کوں بحیثیت چیئرمین بئے ترائے سال ودھا ڈتن۔۔وزارتِ نیشنل ہیلتھ سروسز اینڈ ریگولیشنزولوں باضابطہ نوٹیفیکیشن وی جاری کر ڈتا گئے ۔ہلال احمر پاکستان ولوں جاری پریس ریلیز دے مطابق چیئرمین پاکستان ہلال احمر ڈاکٹر سعید الٰہی دی خدمات اتے اقدامات کوں ڈیکھدیں ہوئیں آندے ترائے سالیں سانگے ہلال احمر دا چیئرمین مقرر کیتا گئے ۔ڈاکٹر سعید الٰہی آپنڑے سنھیے اچ آکھیا جو پاکستان ہلال احمر کوں صفِ اول دی انسانی خدمات دا ارداہ بنڑاونڑ دا عزم کریندیں ہوئیں آکھیا جو چیئرمین دی حیثیت نال صدرِ مملکت ممنون حسین اتے وزیراعظم محمد نواز شریف دے اعتماد تے پورا لہونڑ دی کوشش کریساں۔
