صدر مملکت ممنون حسین دا بلوچستان نال تعلق رکھنڑ آلے ایل ایل بی اتے ایل ایل ایم دے طالب علماں کوں خصوصی اسکالر شپ ڈیونڑ دا اعلان

APP25-12 ISLAMABAD: April 12 - President Mamnoon Hussain addressing to a delegation of young lawyers from Balochistan who called on him at the Aiwan-e-Sadr. APP

بلوچستان دا مستقبل تابناک ہے ، اقتصادی راہداری بلوچستان دا بنیادی حصہ ہے ایں دا ساریں توں ودھ فائدہ بلوچستان کوں تھیسی ،ملازمتاں اچ مقامی لوکاں کوں ترجیح ڈتی ویسی ، صدر مملکت ممنون حسین
اسلام آباد ۔ 12 اپریل (اے پی پی) صدر مملکت ممنون حسین دا بلوچستان نال تعلق رکھنڑ آلے ایل ایل بی اتے ایل ایل ایم دے طالب علماں کوں خصوصی اسکالر شپ ڈیونڑ دا اعلان کریندے ہوئیں آکھیا ہے جو ایچ ای سی دے زیر اہتمام ہر سال 20طالباں کوں وظیفے ڈتے ویسن تے ایندے علاوہ اعلیٰ کاکردگی دا مظاہر ہ کرنڑ آلے طالب علماں کوںباہرلے ملک پی ایچ ڈی سانگے وظائف ڈتے ویسن ۔صدر مملکت اے گالھ ایوان صدر اچ ہنگ لائر بلوچستان دے وفد نال ملاقات دے دوران آکھی جنہاں احمر بلال صوفی دی قیادت اچ انہاں نال ملاقات کیتی ۔صدر مملکت آکھیا جو بلوچستان کوں ترقی ڈے تے ملک دے باقی حصیں دے برابر گھن آونڑ اساں ساریں دی ذمے واری ہے ۔گوادر پورٹ تے بئے منصوبیں اچ بلوچستان دے لوکاں کوں ودھ توں ودھ ملازمتاں ڈتیاں ویسن ۔گوادر اچ پانڑیں دی ضرورت پوری کرنڑ سانگے منصوبیں تے کم جاری ہے ۔بلوچستان دے نینگراں کوں چینی زبان سکھاونڑ سانگے نل وختی گوادر اچ کیمپس قائم کریسی ۔انہاں آکھیا جو ایں مقصد سانگے نمل دے کیمپس دے قیام سانگے ایوان صدر ودھ ساری رقم ڈتی ہے