ڈکھی انسانیت دی خذمت سانگے میڈیکل پریکٹیشنرزدا کردار بہوں اہمیت دا حامل ہے ،ایں مقدس پیشہ اچ بنیادی انسانی اقدار کوں ہمیشہ سر اچا رکھنڑاں چاہیدا ہے
راولپنڈی ۔ 13 اپریل (اے پی پی) صدر مملکت ممنون حسین آکھیا ہے جو ڈکھی انسانیت دی خذمت سانگے میڈیکل پریکٹیشنرزدا کردار بہوں اہمیت دا حامل ہے ،ایں مقدس پیشہ اچ بنیادی انسانی اقدار کوں ہمیشہ سر اچا رکھنڑاں چاہیدا ہے ۔خمیس کوں اتھاں سرجن جنرل دی سالانہ دو ڈینھ دی بین الاقوامی کانفرنس دی افتتاحی تقریب توں خطاب کریند ے ہوئیں صدر مملکت ممنون حسین آکھیا ہے جو ڈاکٹر اپنڑے متعلقہ پیشے اچ چنگے انداز اچ خدمات سر انجام ڈیون جیرھا جو طبی مہارت نال پوری طرح لیس ہووے انہاں کوں انسانیت دی چنگے انداز اچ خدمت دا معقول معاوضہ ملنڑں چاہیدا ہے ۔صدر آکھیا جو پوری دنیا اچ بہوں چیلنج دے باوجود ڈاکٹراں دے بنیادی کردار اچ کوئی تبدیلی کائنی آئی تاں جو اجوکے سالاں اچ معاشی اتے ٹیکنالوجیکل شعبے اچ تکھے رفتار ترقی دے نتیجے اچ رحجانات اتے رویں اچ تبدیلی آئی ہے جیں نال ڈاکٹر تے مریض دے تعلقات تے اثر تھیندا ہے ۔صدر مملکت ایشوز دے حل تے زور ڈتا تاں جوڈاکٹر حضرات اپنڑی پیشہ وارانہ زندگی اچ کوئی بے اطمینانی محسوس نہ کرن۔ انہوںآکھیا جو کمزور سروس سٹرکچر اتے انتظامی نوعیت دے ایشوز ڈاکٹراںدے مسئلے دے ذمے وار ہن۔ صدرآکھیا جو ایجھی صورت حال اچ خاص طور تے نینگر ڈاکٹر ڈے صرف ڈو آپشن رہ ویندے ہن یا تاں او بزنس اپروچ اختیار کرن جیں نال مریضان سانگے مسئلے پیدا تھیسن یا ولا اپنڑے بزرگاں دے سنہری اقدار کوں سر اچا رکھن ۔صدر آکھیا جو ڈاکٹراں دے مسئلے حل نہ تھئے تاں ولا اوکھ تھی ویسی ۔ صدر ممنون حسین آکھیا جو انہاں مسلیں دا حل گولنڑ سانگے ذمے واراداریں ، سماجی تنطیماںاتے تھنک ٹینکس داکردار اہمیت دا حامل ہے۔ انہاں سرجن جنرل دی بین الاقوامی کانفرنس دے انعقاد دا خیر مقدم کیتا تے توقع ظاہر کیتی جو مسلح افواج دے میڈیکل اداریں سمیت ملک دی طبی برادری ایں صورتحال داہک چنگاں حل گولیسی۔
