اسلام آباد ۔ 27 اپریل (اے پی پی)صدر مملکت ممنون حسین آکھیا جو پاکستان افغانستان اچ امن تے استحکام سانگے یکا مخلصانہ کردار نبھائے،ایں بارے او روس دے تعمیری کردار دا خیر مقدم کریندے ،اجوکی عالمی حالات اچ پاکستان دی خارجہ پالیسی بہترین اے اتے اوں شاندار کامیابیاں حاصل کیتن۔صدر مملکت اے گالھ خمیس کوں نیشنل سکول آف پبلک پالیسی ا چ زیر تربیت افسران توں خطاب کریندیں ہوئیں آکھی۔۔ صدر مملکت ‘ زیرِ تربیت افسراں دے سوالااں دے جواب ڈیندیں ہوئیں آکھیا جو افغانستان اچ امن تے استحکام اساڈی ترجیح اے۔ایں بارے پاکستان روس دے مثبت کردار کوں خوش آئند سمجھدے۔انہاں آکھیا جو افغانستان اچ حالات دی خرابی دے اثرات پاکستان تے وی مرتب تھین ،ایں سانگے پاکستان افغانستان اچ استحکام دی ہر کوشش سانگے خلوص نال کم کیتے۔صدرمملکت آکھیا جو روس نال چنگے تعلقات چاہندوں ایں سانگے خوشگوار تعلقات پاکستان دی خاجرہ پالیسی دی کامیابی اے۔
