اسلام آباد ۔ 7 اپریل (اے پی پی)صدر مملکت ممنون حسین آکھیا جو قوم دہشت گردی دے خاتمے سانگے کٹھی اے۔ملک دے مختلف حصیاں اچ دہشت گردی اتے لاقونیت دے مسئلیاں دا سامنڑاں اے جئیں تے کافی حد تئیں قابو پا گھدا گئے ۔آپریشن ضرب عضب دی کامیابی دے بعد ہنڑ آپریشن ردالفساد نال دہشت گرداں اتے انہاں دے سہولت کاراں دے خلاف بلاتفریق کاروائیاں جاری ہن ،حکومت دہشت گردی جیہے فتنے دا سر کچلنڑ سانگے پرعزم اے۔اے گالھ انہاں جمعہ کوں ایوان صدر اچ کمانڈ اینڈ اسٹاف کالج کوئٹہ دے زیرِ تربیت افسراں نال ملاقات اچ گالھ مہاڑ کریندیں ہوئیں آکھی جئیں اچ کمانڈ اینڈ اسٹاف کالج کوئٹہ دے زیر تربیت افسراں توں انج اعلیٰ حکام شریک تھیے۔صدرمملکت ایں موقع تے فوجی افسراں نال گالھ مہاڑ کریندیں ہوئیں آکھیا جو بدامنی اتے دہشت گردی نال نبڑنڑ سانگے پاک فوج،سکیورٹی فورسز اتے سول انتظامیہ دے بے خوف کردار اتے قربانیاں پاروں دنیا اج مضبوط پاکستان ڈے ڈیکھدی پئی اے۔
