اسلام آباد ۔ 17 اپریل (اے پی پی)پاکستان ترکی دی حکومت اتے عوام کوں آئینی ترمیم سانگے ریفرنڈم دے نتیجے تے مبارخ با دڈتی ہے ۔ دفتر خارجہ دے بیان دے مطابق پاکستان دے صدر ممنون حسین اتے وزیر اعظم محمد نواز شریف ترک قیادت کوں مبارخ باد دے اپنڑے انجھ انجھ پیغامات اچ ترکی کوں مبارخ باد ڈتی ہے اتے آکھیا ہے جو آئینی ترمیم سانگے ریفرنڈم ہک مضبوط ترکی سانگے ترک عوام دے خواہشات دا عکاس ہے ۔ انہاں توقع ظاہر کیتی جو ریفرنڈم ترکی دے استحکام تے خوشحالی اتے ترکی اچ گزریل 15سالاں دے دوران تھیونڑ آلی شاندار ترقی تے استحکام دا سلسلہ جاری رہسی ۔ صدر مملکت اتے وزیر اعظم ڈوہیں برادر اسلامی ملکاں وچال دوستانہ تعلقات کو ںمزید مضبوط بنڑاوے تے تعاون اچ ودھارے سانگے پاکستان دے عوام دی پکی خواہشات داظہار کیتا ۔
